Urtero-urtero, ongizatea osatzen duten eremu ezberdinak lantzen dira herrian, eta ikasturte honetan hezkuntza arloa aztertuko da. Otsailaren 17ko batzarra irekia izango da, eta herritar guztiak daude gonbidatuta parte hartzera.
Antzuolako Udalak "konstruktibismoaren heziketa metodoa" aintzat hartuta, herrirako interesgarriak izan daitezkeen ikuspegi eta lerro ezberdinak jorratu nahi ditu batzar irekian. Mota honetako galderak landu nahi dira: Eta estatu propioa bagenu? Zein izango litzateke etorkizuneko hezkuntza sistema? Zeintzuk dira gaur egun ditugun gabezia eta arriskuak?
Hurrengoak izango dira hizlari gonbidatuak:
• Mikel Bargiela (Antzuolako udaletxean hezkuntza zinegotzia. EHBildu.)
• Xabier Arregi (“Antzuola Herri Eskolako eredu pedagogikoa” doktore-tesi egilea. Mondragon Unibertsitatea.)
• Rebeka Ubera(Eusko Legebiltzarkidea. Hezkuntza arduraduna. EHBildu)