Antzuolako Gazte Asanbladak antolatuta, 10:00etan hasi eta 12:30ak arte aritu dira, erdigunean. "San Miguel botilak, pipa paketeak, plastikoak, aterkinen bat..." ohikoak atera ditugu, esan dute gazte asanbladatik.
Dozena bat lagun aritu dira ibaian sartu eta ikusten zituzten zikinak batzen, beste bik hamarretakoa prestatzen zuten bitartean. "Ez da jende asko etorri eta Eguzki auzoa eta Zurrategi lotzen dituen zubitik beherako zatia ezin izan dugu garbitu", gehitu dute.
Honakoa ere gehitu dute: "Jendeak ez dezala zikinik bota ibaira, eta ezta lurrera ere, lurrera botatakoa gero ibaira doa-eta".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
