Uzarraga historian (Iñigo Ramirez de Okariz historialariaren errepasoa)

Uzarragako elizak eta aldi berean parrokia denak –izan ere Antzuolan ofizialki bi parrokia dauzkagu-, ez du asmatu non ezarri bere oinarriak. XVIII. mendetik hona dokumentuetan gehien errepikatzen diren kontzeptuak edo ideiak "lur jota", "jausteko zorian", "printzatuta", "itxi beharra", "tokiz aldatu beharra", "dirurik ez berreraikitzeko"…, direlako. Baina, aldi berean, beste ideia hauek ere azaltzen dira: "ekimena", "borondatea", "esku zabaltasuna", "laguntzarako prestasuna"... Beraz, auzotarren eta elizaren nahi eta ezinaren lehia historian zehar bizia izan da.