"Azkenaldi honetan egiaztatu dugu zabor bilketarekin lotuta jarrera nahiko desegokiak daudela.
Puntu batzuetan herritar batzuek poteak lurrean lagatzen dituzte, zintzilikarioetan jarri beharrean. Honek kaleko garbitasuna oztopatzen du poteak jausi eta zabaldu daitezkeelako.
Beste ohitura txar bat ere sumatu da: poteak iturri publikoetan garbitzearena. Hau ez da bat ere higienikoa. Gainera, poltsa birziklagarriak erabiltzeko aukera egonda, zentzu gutxi dauka. Badakigu jarrera desegoki hauek oso puntualak direla eta herritar gehienek modu egokian erabiltzen dutela zabor bilketa sistema. Hala ere, Udaletik eskatzen dugu gai hau zaintzea eta horrelako jarrerak ikusiz gero erreklamazioak udaletxean egitea".