Iraunkortasun Astearen barruan bigarren eskuko arropen azoka egin dute gaur goizean Gaztetxean. Atarian arropa saltzeko hainbat mahai jarri dituzte baina Gaztetxeko kideek azaldu dutenez, ez da jende askorik ibili.
Euri-giroa izan da gaur nagusi eta jendeak eskolako aterpeko San Isidro azoka bisitatzea aukeratu du. Zenbait pasa da Gaztetxeko bigarren eskuko azokatik baina oraindik material asko dago saltzeko. Hori dela eta, arratsaldean ere jarri dituzte salgai jendeak emandako jertseak, kamisetak, zapatak, prakak eta bestelako jantziak.
Materiala soberan izango dutela aurreikusita, arropa egun batzuetan Gaztetxean bertan egongo dela jakinarazi dute Antzuolako gazteek.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.