Gainera, herritarrei informazioa banatzeko bulegoa astelehenean, hilaren 24an, 17:30ean zabalduko dute. Bestalde, herritar guztiengana heltzeko hitzaldiak egingo dituzte: lehen batzar orokorra hilaren 24an egingo dute. Dena den, antzuolarrek beste hainbat bide izango dituzte zalantzak argitzeko: 900 70 10 87 doako telefonoa; atezate@debagoiena.com helbidea; www.debagoiena.com/atezate; eta sare sozialetan: www.facebook.com/atezate eta www.twitter.com/atezate.
Ikastaroen egutegia
- Urtarrilak 24, 18:30ean, Torresoroan: hasierako batzarra.
- Urtarrilak 31, 18:30ean, Torresoroan: landa-auzoak.
- Otsailak 1, 18:30ean, Torresoroan: plazatik gora.
- Otsailak 2, 18:30ean, Torresoroan: plazatik behera.
- Otsailak 3, 18:30ean, Torresoroan: gaztelaniazko saioa.
Autokonposta
Gainera, autokonposta egiteko kanpaina martxan jarriko dute. Alkateak dei egin die lur-mutur bat duten herritarrei. Konposta-kaxa eta konposta egiten ikasteko ikastaroa doan izango dituzte, eta %20ko hobaria izango dute hondakinen tasan. Interesatuek informazio bulegoan eman dezakete izena.