Arratsaldeko bostetan hasita, Santa Ana antzokia denetariko trikiti doinuez bete zen. Guztira, zazpi taldek hartu zuten parte jaialdian. Hasiera, Debagoieneko hirukote batek eman zuen: Oier eta Aitor oñatiarrek eta Txomin eskoriatzarrak, hain zuzen. Bideoan ikusi daitekena, hirukote debagoiendarraren pieza bat da.
Elkarteko kideek azaldu dutenez, ikusleen aldetik jasotako erantzuna positiboa izan da, eta beraiek ere sentsazio onarekin amaitu dute saioa. "Saio arina izan da eta helburuak bete dira: estilo desberdinetako jendea elkartu eta talde bakoitzak esperotakoa erakutsi du taula gaineaan", adierazi du Aitor Billar, trikitilari eta elkarteko kideak.
Jaialdia amaituta, eta euria gelditu zenez, triki-poteoa egiteko aukera ere izan zuten parte-hartzaileek, Oñatiko kaleetan zehar.