Tximist espedizioaz hitz egitera dator gaur Txomin Uriarte Oñatira

Oihana Elorza Gorostiza

Everest mendia (Argazkia: wikimedia commons).

Aloña Mendiko mendi sailak 'Tximist espedizioa 1974' erakusketa du jarrita kultura etxean eta erakusketara etorriko da espedizio horren parte izan zen Txomin Uriarte.

1974ko Tximist espedizioa Everestera, 50 urte geroago izeneko erakusketa ibiltaria ekarri du Aloña Mendiko mendi sailak Oñatira azaroan. Kultura etxeko erakusketa gelan dago ikusgai eta gaur, martitzena, espedizio hartan parte hartu zuen Txomin Uriarte etorriko da abentura hura nolakoa izan zen azaltzera. Kepa Lizarragarekin etorriko da.

Erakusketarekin batera, hitzaldiak eta liburu aurkezpena ere egin dituzte mendi hamabostaldiaren barruan, eta Uriarte eta Lizarraga izango dira aurtengo azken gonbidatuak. Erakusketa egubakoitzera arte egongo zabalik, 18:00etatik 20:00etara.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Batu zaitez Goiena albisteen kanalera.

TELEGRAM: Batu zaitez GoienaAlbisteak kanalera.


Harpidetza aukera guztiak