Ikastola ondoko jolas-parkeko lurzorua berria jarri dute eta jolas-elementuak ere aldatu dituzte. Bukatu dituzte lanak eta dagoeneko erabilgarri dago.
Herrian dauden jolas-parkeen jarraipena egiten du Udalak eta egoera txarrean daudenak konpontzeko diru partida gordetzen du urtero, aurrekontuetan. Oraingoan ikastola ondoko jolas-parkean egin dute esku-sartzea, kiroldegi aurrekoan. Zarauzko Jolas enpresak egin ditu lanak 15.881 eurotan.