Kiroldegiak egun duen ordutegia zabaldu egingo dute datorren urtean. Hala, urtarriletik aurrera, 07:00etan, ordu erdi lehenago, zabalduko dute. Sinadura bilketaren ondotik erabiltzaileen partetik jasotako eskaera oinarri, eta egin beharreko azterketa tekniko guztiak eginda, zabalagoa izango da kiroldegiaren ordutegia astelehenetik egubakoitzera. Itxiera oraingo bera izango da, 21:30ean.
Urtebeteko epean Udalak ikusiko du ordutegia zabaltzeak ekarpenik egin dien erabiltzaileei, zerbitzuaren erabilera orekatzea lortu den eta arratsaldeko ordu zehatz batzuetan zenbait espaziotan sor daitezkeen pilaketak saihestu diren, bestelako egokitzapenik egin beharrik balego, egiteko.