Kamioi baten matxurak auto-ilara luzeak eragin ditu Oñatin

07:50ean kamioi batek matxura izan du GI-2630 errepideko 22. kilometroan, Elorregi eta Zubillaga artean. Ertzaintzatik jakinarazi dutenez, garabia etorri bitartean bidea txandaka ematen ari dira, eta auto-pilaketa luzeak eragin ditu. Hala, Arrasaten, saihesbideraino heldu da ilara; Oñatiko noranzkoan. Era berean, Bergarara joateko, Elorregiko autobus geltokia bertan behera utzi dute, behin behinean.