Donapaleuko Airetik gelan jokatu zen atzo, zapatua, Euskal Herriko Bertsolari Txapelketaren lehenengo faseko laugarren saioa. 450 lagunetik gora batu ziren Maider Arregi Markuletaren, Sarai Robles Vitaren, Eneko Lazkoz Martinezen, Oihana Iguaran Barandiaranen, Iñaki Viñaspre Simonen eta Saioa Alkaiza Guallarren bertsoak entzuteko.
Ariketa puntuagarri guztiak bukatuta, azken hori izan zen puntu gehien batu zuena. Beraz, Larraun-Lekunberriko finalaurrekoan kantatuko du Alkaizak urriak 24an. Atzoko saioko beste bost bertsolariek puntuazioaren arabera izango dute finalaurrekoetara sailkatzeko aukera.
Horrela geratu ziren atzoko puntuazioak:
- Saioa Alkaiza Guallar: 683 puntu
- Oihana Iguaran Barandiaran: 672,5 puntu
- Maider Arregi Markuleta: 659 puntu
- Eneko Lazkoz Martinez: 624,5 puntu
- Iñaki Viñaspre Simon: 613,5 puntu
- Sarai Robles Vita: 600,5 puntu