Herritarren gustuko txokoak ez ezik, uneak, bizipenak eta ikuspegiak ere jaso gura ditu Udalak. Izan ere, altxor kontzeptua oso pertsonala eta subjektiboa da, eta postal-irudietatik harago doazen argazkiak jaso nahi ditu 2027ko udal egutegian ager daitezen: herriko ikuspegi originalak, oharkabean pasatzen diren xehetasunak, eguneroko uneak, pertsona bereziak, urtaroen aldaketak eta ezkutuan dauden txokoak, esate baterako.
Hamabi argazki
Lehiaketara aurkeztuko diren argazkiek Oñatin ateratakoak izan behar dute, eta Oñatin erroldatutako edonork parte hartu ahal izango du, adin-mugarik gabe; bakoitzak, gehienez, hiru argazki aurkeztu ahal izango ditu. Aurkeztutako argazkien artean hamabi aukeratuko ditu epaimahaiak. Lanak posta elektronikoz –egutegia2027@onati.eus– edo udaletxeko HAZ bulegora joanda entregatu daitezke. Horretarako azken eguna urriaren 19a da. Egutegian agertzeko aukeratzen diren argazkien egile bakoitzak 80 euroko saria jasoko du.