Arrazakeriaren inguruan hausnartzea eta eraso arrazistak prebenitzeko zein horiei erantzuteko tresnak eraikitzea du helburu Oñatiko txosna gunean abian duen prozesuak. Hegoaldetik Enarak Kooperatiba Txikiko kide Tania Cañasekin (San Salvador, 1973) batera ari dira prozesua lantzen eta gaur, martitzena, hitzaldia egingo du Cañasek bide horren berri emateko.
Eta arrazakeria gorrotoa bakarrik ez balitz? du izena egingo den hitzaldi-tailerrak eta helburua da arrazakeriak aurreiritzi indibidualetatik harago nola jarduten duen aztertzeko, hausnarketarako eta ikaskuntza kolektiborako gune bat sortzea. Hitzaldia zinema-aretoan da, 17:30ean. Aldibereko itzulpen zerbitzua egongo da euskaratik gaztelaniara.