Gipuzkoako suhiltzailetako eta Gipuzkoako Foru Aldundiko Mendi Zerbitzuetako ordezkariek 18:00ak aldera jaso zuten sutearen abisua. Iturri horiek adierazten dutenez, txabola batek su hartu zuen eta sua inguruko zelaian eta piñudi azpiko begetazioan zabaldu zen. Suhiltzaileen hiru kamioi eta Mendi Zerbitzuen bi erreten, uraska bat eta bina teknikari eta basozain joan ziren sutearen lekura.
Larrialdi-zerbitzuek 20:30ak aldera jo zuten sua itzalitzat, baina gaur goizean bizilagun baten abisua jaso dute esanez kea ikusten zela berriro, eta ingurua freskatzeko baliabideak bidaltzea aurreikusi dute suhiltzaileek.
Sutearen azaleraren inguruko berririk ez dute oraindik.