Eredu jerarkikoaren ordez, erabakiak taldean hartzea eta autonomiari garrantzia ematen dion antolaketa ereduari buruz hitz egingo dute egubakoitzean Emakumion Etxian. Talde-antolaketa horizontalerako gakoak emango dituzte Aise kooperatibako kideek egingo duten hitzaldian.
Hitzaldia 17:30etik 19:30era bitartean izango da etzi, hilak 11, eta irekia da, herritar guztiei dago zuzenduta. Elebitan egingo dute eta aldi bereko itzulpen zerbitzua egongo da.
Zapatuan, etxekideendako
Hurrengo egunean, zapatuan, etxekideendako bileran landuko dute gai bera; tailerra egingo dute. 10:00etatik 14:00etara izango da eta hor ere egongo da itzulpen zerbitzua.