Balizko egoera batean herria ur barik ez gelditzeko hainbat lan egin dituzte Urrutxuko depositutik behera. Lan horiek aprobetxatuz, Santipillauko kurba leuntzeko lanak ere egin dituzte. "Eskoilera egin ahal izateko, aurrez, Oñargiren tentsio ertaineko poste elektriko bat ere mugitu beharra izan zen. Lanak amaituta, urte guztian zehar baina batez ere uda garaian bertan elkartzen den auto, oinezko eta bizikleten trafikoan segurtasuna nabarmen hobetuko da", adiera dute Udaletik.
Hoditeria berria
Udalak puntu arriskutsu moduan zuen identifikatuta gune hura, goitik behera eta behetik gora doazenen arteko ikusmena ez delako ona. Hori hobetzeko, beraz, bihurgunea zuzendu gura zuen Udalak, eta hoditeria berria jartzeko lanak aprobetxatu ditu lan horiek egiteko. "Itsu-puntu hori txikiagoa izatea da lan horien helburua, bihurgunea aldatzearen helburua. Zabaltzen hasi aurretik, Oñargiko erdi-tentsioko poste bat lekuz aldatu dute", azaldu dute.
