Aloña Mendiren eskubaloi sailaren ospakizunek ez dute etenik, ezta abuztuan ere. Eskubaloi egokituko Euskal Koparen, Corpus txapelketaren eta beteranoen partiduen ostean, estatu mailako eskubaloi ligako bi talderen arteko lagunartekoa jokatuko da oraingoan. Aurrez aurre egongo dira BM. Torrelavega eta Balonmano Atletico Valladolid. Irailaren 12-13ko asteburuan hasiko da Liga Nexus Energia Asobal liga txapelketa, eta hori prestatzeko bidean, geldialdia egingo dute Oñatin.
Iazko denboraldian parez pare ibili ziren bi taldeak. Kantabriarrek bosgarren lekuan bukatu zuten txapelketa eta Gaztela-Leongo taldeak seigarren.