"Hiriek eta herriek Palestinaren auziari nola hel diezaioketen" izenburuko saioa eskaini du Sari Hanafi soziologo palestinarrak Oñatin, Adarra Elkarteak, Elkar Hezi Ikastetxeak eta Oñatiko Udalak elkarlanean antolatutako ekitaldian. Contra el liberalismo simbólico, un alegato a favor de la sociedad dialógica izeneko bere liburua aurkezteko ere baliatu du ekitaldia.
Antolatzaileek adierazi duten moduan, bere hitzaldian, Hanafiek Palestinako gatazka eta demokrazia liberalen gainbehera aztertu zituen. Era berean, esparru akademikoan genozidioaz hitz egiteko dagoen zailtasuna azaldu zuen eta egoera honen aurrean, gatazkak konpontzeko elkarrizketa eraikitzailean oinarritutako herri-erantzuna egituratzeko premia nabarmendu zuen. Alde horretatik, "soziologia elkarrizketatzailearen printzipioak hezkuntzan txertatzearen garrantzia" azpimarratu zuen, "hain zuzen ere Elkar Hezi Ikastetxeak bere pedagogian aplikatzen duen lerroari balioa emanez".
Saioa amaitzean, Palestina Lorategira joan ziren eta talde argazkia atera zuten.