"Oso oroitzapen onak ditugu. Eltziako kontzertuan jendea ikusi genuen dantzan, eta hori sekulakoa da guretako. Ea oraingoan ere gauza bera gertatzen den", dio Aria taldeko kide Marina Landak.
2023an atera zuten lehen diskoa, Urdin, eta Aurrera begira gero. Orain, beste proiektu bat esku artean dutela daude, eta Oñatiko kontzertua berezia izango dela aurreratu dute, kanta berriak lantzen hasiko direlako gero. "Orain artekoak joko ditugu Oñatin, bai, eta baita berriren bat ere. Zortedunak izango dira oñatiarrak" .
Udako kultur emanaldia
Udako kultur emanaldiak jasotzen dituen Kalean egitarauaren barruan izango da kontzertua. Hilaren 22an, folk musika egiten duen Besaide taldeak joko du, ordu berean, San Lorentzo ermitaren aurrean, eta 29an, Ganso & Cia taldearen Welcome & sorry kale-antzerkia egongo da, San Martinen. Azken emanaldia abuztuaren amaieran izango da, Errementeri plazan.