Potx eta Lotx pailazoen audio batek iragarri zuen atzo arratsaldean Triana auzoan prest zegoela Astotrasto balkoitik jaitsi eta jaiei hasiera emateko. Trikitilarien laguntzarekin erraldoi eta txorimaloengana joan zen Astrotrasto haurrez inguratuta eta domekara arte iraungo dituzten jaiei hasiera eman zioten modu horretan.
Gaur, zapatua, Trianako jaiek jarraipena izango dute eta umeendako marrazki saioa, auzo bazkaria, mus txapelketa edota ur-pistola jolasak izango dituzte, besteak beste. Txorimalo eta erraldoien kalejira eta Totai-boliviar pintxoak ere izango dira arratsaldean eta gaua musikarekin girotuko dute.
Bihar, domeka, artisau azoka egingo dute eta mural margoketa herrikoia ere egingo dute, besteak beste, Gure Eskuren eskutik, 12:00etan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.