Onekoren lehen proiektu hau 100 kilowatioko potentzia duen instalazioa izango da, 180 panelez osatua. Proiektuan parte hartzen duten bazkideek eguzki orduetan sortutako energia autokontsumituko dute, eta ondorioz, saretik hartutako argindarra txikiagoa izango da.
Instalazioaren zehaztapenak, diru laguntzak eta beste herrietako esperientziak azalduko dituzte aurkezpen bilera honetan. Proiektuan parte hartzeko bazkide –50era heltzear dira egun Onekon– izan behar da, baina bilera irekia da eta bazkide egitearen inguruko informazioa ere emango dute.