San Migel eta Errosaixo jaiak jasoko dituen egitarauaren azal lehiaketa zabalik dago. Hemezortzi urtetik gorako edonork parte har dezake eta egile bakoitzak, gehienez, bi lan aurkez ditzake.
Formatu digitalean aurkeztu beharko dira lanak, euskaraz, eta testu hau, behintzat, agertu behar da: Oñatiko jaixak 2026. Lanak Oñatiko Udaleko erregistro elektronikoa erabilita bidali beharko dira uztailaren 3a aurretik.
Lanak udaleko web orrian eta sare sozialetan argitaratuko dituzte eta internet bidez emandako botoek, azken urteetan egin duten moduan, erabakiko dute irabazlea; 500 euro irabaziko ditu boto gehien jasotzen duen lanaren egileak.