Eusko Jaurlaritzako Larrialdiei Aurre Egiteko eta Meteorologiako Zuzendaritzako teknikari batek Ertzaintzaren Zaintza eta Erreskate Unitateko helikoptero bat, mendiko agenteak eta Gipuzkoako suhiltzaileak bidali ditu bertara.
Erreskate-taldeak zaurituarengana iritsi dira anbulantziara eramateko, eta ondoren helikopteroarentzako egokitutako aparkaleku batera eroan dute. Handik, Gasteizko Txagorritxu Ospitalera eraman du Ertzaintzaren helikopteroak.
Larrialdi zerbitzuek 16:15 aldera jaso dute abisua: Araotz eskalada-gunean eskalatzen ari zen pertsona bat, 30 metro ingurutik erori dela ohartaraziz. Ertzaintzaren Zaintza eta Erreskate Unitatea, Gipuzkoako suhiltzaileak eta Osakidetzako osasun-langileak bertaratu dira eroritakoa, 56 urteko gizonezkoa, erreskatatzeko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak