Gaurtik, ekainak 1, erabilgarri dago San Lorentzo auzoko ur txorroten parkea. Irekiera aurreratu du Udalak, azkenaldian egin duen beroagatik. Hala, irailaren 6ra arte, ur txorrotak martxan egongo dira, egunero, 11:00etatik 21:00etara.
Kiroldegiko berdegunea
Ur txorroten parkea bezala, gaur, astelehena, zabalduko dute Zubikoako igerilekuen ondoko berdegunea ere. Ekainaren 15etik aurrera, berriz, 09:00etatik 20:00etara egongo dira zabalik instalazioak asteburuetan eta jai egunetan. Uztailean –astelehenetikegubakoitzera 07:30etik 21:30era eta asteburu eta jai egunetan 09:00etatik 20:00era- eta abuztuan –astelehenetik zapatura 10:00etatik 20:00etara eta domeketan itxita– udako ohiko ordutegia izango du kiroldegiak.
Usako, ekainaren 20tik aurrera
Usakoko bainu denboraldia ekainaren 20an hasiko da; egun horretatik aurrera egongo da soroslea han. Irailaren 6ra arte egongo da zabalik.