Ekainaren 13an Iruñeko kaleak betetzeko mobilizazio jendetsua antolatzen ari da Euskalgintzaren Kontseilua osatzen dugun eragileek. 'Euskaltzaleon Martxa' lelopean ospatuko da eta "euskaltzaleok antolatzera, euskaraz bizitzeko baldintzak sortzera, Euskaraz bizitzeko behar den dena aldarrikatzera" etorriko da.
Martxa 17:00etan izango da eta Iruñeko hiru puntu ezberdinetatik irtengo da: Runako Parkea, Askatasun Enparantza eta Antoniutti. Hiru zutabe, hiru helburu: desofizializazioaren aurrean euskararen normalizazioa blindatuko duen arkitektura juridiko berri bat, hizkuntza politiketan eman beharreko jauzia eta euskaltzaletasuna. Hiru martxek Gaztelu Plazan egingo dute bat eta han egingo da ekitaldi politikoa, egunari amaiera emanez.
Autobuserako txartelak, salgai
Oñatitik autobusa antolatu dute, eta hainbat euskaltzalek talde argazkia ere atera dute deialdiarekin bat egiteko eta herritarrak berdina egitera gonbidatu. Otamendi tabernan daude salgai autobuserako txartelak, 15 eurotan –10:00etan izango da irteera Oñatitik eta martxaren ondoren izango da itzulera–.
