Aurten ere erakutsi dute alde bien arteko elkarlana herriko dendariek eta Oñatiko Margo Taldeko kideek. Halan, ikasturte honetan pinturako 20 ikaslek egindako lanak jarri dituzte ikusgai egunotan herriko 36 dendetan. Erakusketa maiatzaren 21era arte egongo da ikusgai komertzioetako erakusleihoetan. Denetariko irudiak ikus daitezke margoetan, izan paisaiak, objektuak, pertsonak edo konposizioak.