Oñatiko Hirugarren Antifa eguna ospatzen ari dira Oñatin faxismoaren aurka aldarrikatzeko. Kirolarekin eta musikarekin lotutako ekimenak antolatu dituzte egunerako, eta Plazako frontoian egindako boxeo eta kickboxing erakustaldiak eman dio hasiera egitarauari. Bost erakustaldi egin dira guztira, eta frontoiko harmailak jendez bete dira ekimenari babesa emateko eta ikuskizunaz gozatzeko.
Kirol erakustaldien ondoren, zortzietan hasita, bost kontzertu emanaldi egin dira gaztelekuan. Hamarratz, Inguma, Lehen Lerroa, Lee-Kore eta Rebel Noise taldeak igo dira oholtza gainera, eta bailarako taldeak entzuteko aukera berezia izan dute bertaratutakoek. Izan ere, Oñatiko Lee-Kore taldeak Zauria izeneko azken diskoa aurkeztuko du, eta, Rebel Noiseren kasuan, berriz, taldearen azken kontzertuen birako lehen emanaldia izan da gaurkoa.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.