Foso unibertsal modalitatean lehiatuko dira, 25 platerekin, norbanaka zein taldeka. Parte hartzaileen artean, Oñati, Antzuola, Bergara, Elgoibar, Zumarraga, Legazpi eta Aretxabaletako tiratzaileak egongo dira; 25 bat tiratzaile elkartuko dira, eta norbanakoak eta taldeak, herriak, sarituko dira. Badira 50 urte baino gehiago plater tiroketako herriarteko txapelketa egiten dela. Oñati eta inguruko beste zazpi herriren artekoa izaten zen hasierako urteetan, baina, parte-hartzaile kopurua jaitsi eta tiro zelaiak gutxitu egin direla ikusita, zabaldu egin dute parte-hartzaileen eremua. Domekakoa Txopekuan egingo dute eta Pago Usok koordinatuko du.