Gominolekin, goxokiekin, egindako tarta bat prestatu du Mizke goxoki dendako Maribi Igartuak. Buruan koroa eta lepotik realeko kapa duen baloi baten itxura dauka tartak. Futbol jokalarien praka motzak, botak eta taldeko kapitainak besoan eramaten duen ikurrina ere baditu baloiak.
Tarta hori bezeroen artean zozketatuko dute. Igartuak azaldu duen moduan, bezero bakoitzari zenbaki bat emango diote egiten duen erosketaren euro bakoitzeko. Zozketa domekan egingo dute, 13:00etan, eta irabazleak gominolazko tarta eramango du etxera.