Pake Leku elkartearen segurtasuna hobetzeko lanak egin ditu Udalak. Besteak beste, suteen segurtasun araudiak agintzen dituen hainbat lan egin dituzte. Esaterako, erreka aldera duen terrazatik jangela eta taberna aldera sartzeko dagoen aldean, bi ate berri jarri dituzte; bat zegoen lehen eta hiru daude orain. Sotoko irteerak ere egokitu dituzte. Horrez gain, lehen solairuko arotzeria aldatu da, tabernaren aireztapena hobetzeko; eta segurtasun beirak ezarri dituzte.
Pake Leku elkartea dagoen eraikina eta hor ematen dituzten zerbitzuei eragiten dieten arau eta legeak berrituz joan dira eta horietara egokitzeko proiektua egin zuen Udalak. Lanak faseka egiten ari dira. Hauek 30.000 euroko aurrekontua izan dute.