Kopako finala izan da zapatu arratsaldean jokatutako lehen norgehiagoka, Morekanberen eta Iturritxoren artekoa. Partidu borrokatua izan da, talde biek gogotik estutu dute elkar garaipena lortzeko, eta Morekanberentzat izan da, azkenean (2-1). Kopako jokalari onena Oier Altzelai (Morekanbe) izan da.
Eguneko hitzordu garrantzitsuena etorri da gero, Ligako finalarena, alegia, eta horretan ere ez da emoziorik falta izan. Kelekonak iazko irabazlea izan zen Shatoken Moüraren kontra neurtu ditu indarrak. Markagailua hutsean zela amaitu dute partidua, eta penaltietan Kalekonak irabazi du, gol bakarreko aldearekin: 7-6. Kelekonak bere lehen txapelketa irabazi du, eta taldeko kide Jon Anduagarentzat izan da, gainera, Ligako jokalari onenaren saria.
Jokalari beteranoenaren saria Manu Garciak (Iturritxo) eraman du; golegile onenarena, Markel Ugartek (Hangover); eta atezain onenarena, Frakas Bravas taldeak, gol gutxien jaso dituena izateagatik.
Talde denen presentziarekin
Finalen egunean ez dute eguraldia lagun izan, baina giroa aparta izan da, hala ere. Txapelketan parte hartutako gainontzeko taldeek ez dute hitzordua galdu nahi izan, eta bertan izan izan dira horietako kideak, nor bere kamisetarekin.