Lehiaketa honek pentsamendu kritikoa eta hausnarketa sustatu gura ditu DBHko eta Batxilergoko ikasleen artean. Aurtengo edizio honetan Euskal Autonomia Erkidegoko hiru lurraldeetako 40 ikastetxek hartu dute parte, eta 519 filosofia-lan aurkeztu dituzte. Finalera 28 ikastetxe publiko eta itundutako 74 ikasle iritsi dira, sei modalitatetako lanekin: iruzkina, dilema morala, bideo-sormena, argazkilaritza filosofikoa, marrazketa filosofikoa eta nazioarteko disertazioa.
Eromena. On Kixote gaurko munduan izan da aurtengo gaia eta Oñatiko Elkar Hezi ikastetxeko hiru ikaslek –Rosangela, Noemi eta Paula– lehen saria lortu dute bideogintzako kategorian, ikus-entzunezko hizkuntza eta filosofia uztartuz egindako lanari esker. Lorpen nagusi honekin batera, beste bi taldek ere finalera iristea lortu dute.