Eduki hau partekatzeko esteka arbelera kopiatu da.
Udaberri Sariko bigarren mailako bi partidu jokatu zituzten atzo, egubakoitza, Oñatiko Zubikoa pilotalekuan. Senior mailan, Ander Biainek eta Manex Madinagoitiak finalerdia irabazi zuten, finalera sailkatuz. Gazte mailan, berriz, Liher Errastik eta Iker Rodriguezek galdu egin zuten finala, Ataunen aurka.
Joko-sistema erabilita ari dira jokatzen Udaberri Saria. Hala, Biainek eta Madinagoitiak 2-1 irabazi zieten hernaniarrei. Lehen jokoa hernaniarrek irabazi zuten (10-9); edozelan ere, bigarrena 10-8 irabazi zuten oñatiarrek eta azken joko erabakigarrian, aldiz, 5-4. Modu horretan, finalerako sailkatu ziren oñatiarrak eta datorren astean Legazpiren aurka neurtuko dituzte indarrak –zehazteke dago non jokatuko den finala–.
Gazte mailan, 10-8 eta 10-1 galdu zituzten bi jokoak Errastik eta Rodriguezek.