Aloñako Igoerari eskainitako laguntzari lotuta, bi dortsal eskaini dizkio kirol probaren antolakuntzak Oñatiko Udalari. Hori horrela, Zegama-Aizkorri mendi maratoiarekin egindako moduan, aurre-inskripzioa bete baina antolakuntzak egindako zozketa orokorrean dortsala lortu ez zuten 31 oñatiarren artean zozketatuko ditu bi dortsal horiek Udalak.
Zozketa datorren astelehenean, martxoaren 23an, egingo dute, 18:00etan, udaletxeko areto nagusian. Interesa duenak, aukera izango du zozketara joateko. Sei izen aterako dituzte, lehen biek dortsalari uko eginez gero, ordezko korrikalarien zerrenda zehaztuta izateko.