Abesbatza eta bere funtzionamendua ezagutaraztea eta kide berriak erakartzea dira ate irekien helburuak, eta elkarrekin abestuz egin gurako lituzkete abesbatzako kideek. Horrela, kantu bat elkarrekin abestea proposatu gura diete herritarrei: Xabier Leteren Habanera. "Abesbatzaren entseguak ikusteaz gain, parte-hartze zuzena eduki ahal izango dute doazenek".
Proposamena da Leteren Hababera abestia bi ahotsetara entseatzea, Oñati abesbatzarekin batera. Partitura eta bi ahotsen grabaketa eskuragarri ere jarri dituzte. Agustindarren elizan izango da ate ireki parte-hartzaile horren jardunaldia gaur, martxoak 12, 19:30ean. Abesbatzaren 60. urteurrenean sartzen da ekimena.