Zegama Aizkorri mendi lasterketa egiteko izena eman zuten baina zorterik izan ez zuten 40 oñatiarren artean zozketatuko ditu hiru dortsal Oñatiko Udalak. Bihar, eguaztena, izango da zozketa, 18:00etan, osoko bilkuren aretoan. Irekia izango da eta gura duen edonor joan ahal izango da.
Maiatzaren 17an izango da aurtengo mendi maratoi hori eta beste behin Oñatiko Udalak autobusak jarriko ditu Oñatitik Arantzazura, lasterketa ikustera doazenendako. Zegamako Udalarekin duen elkarlan horren emaitza da urtero dortsalak gordetzen dituztela oñatiarren artean banatzeko, bat hasieran, bi gero eta aurten hiru.