Domekan, martxoak 8, bazkaria eta bingo musikatua egingo dute Antixena gaztetxean 14:30ean, Emakumearen Nazioarteko Eguna ospatzeko. Sarrerak salgai daude Arrano eta Eltzia tabernetan eta gaur, eguaztena, da azken eguna erosteko. Hiru prezio ezberdinetan jarri dituzte txartelak salgai, "bakoitzak bere ahalmenaren arabera ordaintzeko aukera" izan dezan: 5 euro , 13 euro edo 20 euro.
Emakume erreferenteen erakusketarako argazkiak ere ari dira jasotzen eta antolatzen. Txandako hainbat komertzioetan jarriko dituzte ikusgai asteburu honetan; martxoa osoan egongo dira erakusleihoetan jarrita.