Oñatin sortu zen taldea 2019an, eta ordutik beste hiru lan luze kaleratu ditu: Gorrotoaren Hazia (2019), Maitasuna ta Askatasuna (2024) eta Antifa Hardcore (2025). Azken hori Zumaiako Hoben taldearekin batera ondu zuten.
Disko berria aurkeztu aurretik, bi aurrerapen eman ditu argitara taldeak. Lehenik, Bellako Roberren kolaborazioarekin grabatutako GURS kantaren bideoklipa plazaratu zuten. Ondoren, diskoari izena ematen dion Zauriak abestiaren bideoklipa kaleratu zuten; Ozen estudioan grabatu zuten lana, diskoa grabatzen ari ziren bitartean hartutako irudiekin osatua. Abesti horretan parte hartu dute Zumaiako Hoben taldeko Imak eta Arrasateko Drop! taldeko Paulek. Zauriak diskoa entzungai dago dagoeneko plataforma digital guztietan.