Euskal espeleologia jardunaldiak

31. Euskal Espeleologia Jardunaldiak Oñatin egingo dira apirilaren 2tik 6ra. Lizartza 1 sistema esploratuko da eta Aloña mendilerroko prospekzioa eta katalogazioa egingo dute. 09:00etatik 18:30etara kobazuloko eta inguruko katalogazio lanak egingo dituzte egunero, eta afaldu ostean, 21:00etatik 22:30era, hitzaliak:

• Apirilak 2: Lizartzako parajearen eta inguruen deskribapena –Carlos Eraña 'Lin'–.
• Apirilak 3: Aldabide – Espeleo urpekaritzaren intriga eta egiak dokumentala –Oskar–.
• Apirilak 4: Saguzarrak eta haien kontserbazioa –GABAKO Elkartea eta Maria Napal–.
• Apirilak 5: Espeleologiaren etorkizuna –Joseba Dorado–. Egun honetan, gainera, 10:00etan, Distoaren kalibrazioaz eta distoaren eta mugikorraren/tabletaren arteko lotura eta erabileraz berba egingo du Esther Garciak. 17:00etan, berriz, Kate amaigabea. Euskal espeleologiaren belaunaldiak hitzaldia egingo du Oier Gorosabelek.

Apirilaren 6an espeleologo izandako beste hainbat lagun etorriko dira eta Arrikrutz bisitatzeko irteera egingo dute elkarrekin.