Lau ataletan banatuko du garapen proiektuetarako dirua Udalak: hegoaldeko herrialde pobretuetan lankidetzarako proiektu estrategikoen garapena finantzatzeko –95.000 euro–, hegoaldeko herrialde pobretuetan lankidetzako ekintza edo ekimen puntualak finantzatzeko –35.000 euro–, herrian bertan sentsibilizazio jarduerak egiteko –9.500 euro– eta larrialdietarako laguntzetarako eta ekintza humanitarioko proiektua finantzatzeko –18.000 euro–. Herrialde pobretuetako proiektu estrategikoak eta ekintza puntualetarako eskaerak martxoaren 11ra arte eska daitezke; sentsibilizazio jardueretarako eta larrialdi eta ekintza humanitariotarako, azaroaren 1era arte.
Diru laguntza kopuru hori %0,7ra igotzea proposatu zuen EAJk 2026ko udal aurrekontua eztabaidatzerakoan, eta horrela jaso zuen Udal Gobernuak abenduko osoko bilkuran onartu zen aurrekontuan.