Irungo Bidasoa taldeak eta Burgosko Tubos Aranda taldeek neurtuko dituzte indarrak bihar, 18:00etan hasita, Zubikoan jokatuko duten lagunarteko partiduan. Aloña Mendiko eskubaloi sailaren 50. urteurreneko lehenengo ekitaldia izango da, eta punta-puntako eskubaloi partiduaz gozatzeko aukera izango dute ikusleek, Espainiako lehenengo mailan jokatzen baitute bi taldeek. Sarrerak salgai daude Aloña Mendi tabernan, gaurko egunera arte, 5 eurotan. 550 pertsonako edukiera egongo da partiduan, eta azken sarrerak bihar jarriko dira salgai, Zubikoan, prezio berean.