Ertzaintzak zaintza eta kontrol dispositibo bat ezarri zuen atzo, zapatua, Oñatiko erdiguneko goxoki-denda baten barruan dendaria substantzia estupefazienteekin trafikatzen ari zelakoan. Hala, goxoki-dendako langileak bezeroei droga saltzen zielaren susmoa baieztatu zuten, dendariak lokalean sartu zen ertzain bati droga eskaini zionean.
Horren aurrean, Ertzaintzak jakinarazi duenez, agenteak establezimendura sartu ziren eta lokala miatzen ari zirenean, 29 monodosi zituzten bi kaxa eta 190 gramoko bi kokaina-poltsa, 100 gramo haxix-plaka prentsatu bat, doitasun-balantza bat, substantziak banatzeko hainbat tresna eta 11.825 euro aurkitu zituzten.
Atxilotua Bergarako ertzain-etxean dago eta datozten orduetan jarriko dute epailearen esku.