Hilaren 27an elkartu ziren Oltzan hainbat boluntario txokolatea egiteko materiala Aizkorrira igotzeko, Aizkorri Bizirik taldeak egindako deiari erantzunez. Txokolatea, esnea, edalontziak, lapikoak, bizkotxoak, sua... beharrezko guztia eraman zuten, motxiletan sartuta; 200 litro esne –Lacturale– eta 30 bat kilo txokolate –Pedro Mayo–.
Urtezahar eta Urteberri egunean Aizkorrira joan diren guztiei eskaini diete txokolate beroa Aizkorri Bizirik taldeko kideek hirugarrenez –egun bietako argazkiak dira sorta honetan ikus daitezkeenak–. Borondatea eskatu dute trukean, eta batutako dirua Oñati Palestinarekin taldearendako izango da.
(Argazkiak: Aizkorri Bizirik taldea).