Hirugarren urtez jarraian, txokolate beroa banatuko du Aizkorri Bizirik taldeak Aizkorrin abenduaren 31n eta urtarrilaren 1ean. Borondatea eskatuko dute aurten ere, eta batutako dirua Oñati Palestinarekin taldearendako izango da. Aizkorri Bizirik taldeak Zegamako Udala eta hango Amezti mendi ekartea izango ditu laguntzaile, eta babesleak, berriz, Lacturale, Pedro Mayo, Betik eta Ogiberri.
Txokolatea egiteko eta banatzeko behar duten materiala bihar, zapatua, abenduak 27, igoko dute. Oltzan elkartuko dira 10:00etan eta laguntzera joan gura duen oro dago gonbidatuta. Kontakturako: @andu74aga.