'Ezin da gehiago luzatu' irakur zitekeen pankartarekin, Gotzon Telleria presoa etxera ekartzeko eskaera egin dute Oñatin eguerdian. Bidebarrietatik hasi eta plazan bukatu dute Oñatiko Sarek deitutako manifestazioa eta eskaera horrekin batera, gaixorik dauden presoen egoera ere salatu gura izan dute parte hartu duten herritarrek. ELA gaixotasuna du Telleriak eta Zaballako –Araba– espetxean dago preso; 69 urte ditu.
Plazan, Sarek Bilbon urtarrilaren 10ean egingo duen manifestaziora joateko deia ere egin dute. Oñatitik autobusa egongo dira eta gaur, zapatua, jarri dituzte txartelak salgai.
