Guztira herriko 26 komertziok hartu dute parte aurtengo Gabonetako erakusleiho lehiaketan eta gaur, eguena, eguerdian, egin dute sari banaketa; sarituak izan diren dendetara joanda eman dizkiete bakoitzari dagokion saria udal ordezkariek.
Epaimahaiak horrela erabakita, aurtengo irabazlea Amalur belar denda izan da. Bigarren saria Andrea Azkoaga Interioristak eraman du eta hirugarrena Kimu Urtxin lora dendak. Sarituek 500, 300 eta 200 euroko sariak jasoko dituzte hurrenez-hurren.
Horiez gain, herritarren eta haurren saria ere banatu dituzte. Herritarren saria Kimu Urtxinendako izan da; 897 herritarrek parte hartu dute bozketan eta lora dendak 288 bozka jaso ditu, boto guztien %32. Horrela, 500 euroko saria jasoko du saltokiak. Haurren Saria Txokolateixiak irabazi du aurten ere, herriko ikastetxeei eta gaztelekuko lantaldearen laguntzari ezker aurten haurren parte hartzea handia izan da. Guztira 497 haurrek hartu dute parte eta horietatik 127 bozka jaso ditu Txokolateixiak, bozka guztien %26. Horrela, 300 euroko saria egokituko zaio.
Azken bi sari horietan parte hartu duten herritarren artean, herriko komertzioetan erabiltzeko 100 euroko bonu bana zozkatu dute kategoria bakoitzean: herritarren saria Alex Zubia Gabiani egokitu zaio eta haurrena, Jonathan Lopezi.