Urteroko hitzordua izaten da Elkar Hezi ikastetxekoentzat Gabonetako elkartasun azoka. Pandemiaren ostean "inflexio-puntu bat" izan zutela dio ikastetxeko zuzendari Amaia Aranzetak, eta ordutik "formatu txikiago baten, baina bertako erakundeak biltzen dituen" azoka antolatzen dabiltza.
"Bertako erakundeak eta elkarteak ikusaraztea eta eurei bultzada ematea" da azokaren helburu nagusietako bat, eta aurten, urterokoez gain, egon dira berritasunak ere. "Urtero etortzen diren erakundeak badaude; esaterako, Bubulum, misio taldea eta bidezko merkataritza taldea. Baina badaude elkarte berriak ere: Bilbotik datorren Hego Haizea eta haurrentzat energiaren inguruko tailerra antolatu duen Eko-Oiz elkarteak, besteak beste", azaldu du zuzendariak.
Azokak izan duen harrerarekin "pozik" daudela dio Aranzetak eta "eskerrak" eman gura izan dizkie azokara gerturatu diren herritarrei.