Guztira, 41 lagunek hartu dute parte aurtengo gaztelekuko xake lehiaketan. Debako Lukas Iruretagoiena da lehiaketaren sustatzailea eta esan daiteke oihartzuna daukan lehiaketa dela, izan ere, Kantabriako Barreda –Torrelavega– herritik etorritakoak ere izan dira.
Lehiaketa hastearekin bat, isiltasuna nagusitu da gaztelekuan eta kontzentratuta jardun dira parte-hartzaileak.
Sariak
Lehenengo postuan berdinketa izan da eta Enrique Tejedor eta Marcos Rodriguez izan dira onenak. Hirugarren gelditu da Arrasateko Jose Manuel Hernando. Eta beste sari batzuk ere banatu dituzte: lehen gazte oñatiarra izan da Niko Altuna; lehen gaztea Arrasateko Urtzi Lasa; lehen gazte emakumea Arrasateko Haizea Mendizabal; lehen oñatiarra, Iñaki Zumalde; eta ibilbideari saria jaso du Iban Ugartek.