Entrequatre laukoteak joko du domeka iluntzean Santa Ana antzokian. Horrek itxiko du azaroko domeketan egin den aurtengo Musikegunak zikloa.
1984koa da taldea, Asturiasen lau lagun gitarra-jole musika egiteko eta kontzertuak emateko elkartu zirenekoa. Ordutik, nazioarteko 40 herrialde baino gehiagotan izan dira, eta, gaur egun, hain finkatua dagoen ganbera-musikako taldeetako bat da; Grammy sarietarako izendatuta egon da, gainera. Oñatin domekan egingo duen emanaldian, besteak beste, Aita Madinak konposatutako piezak joko ditu.
Kontzertua 19:00etan izango da; sarrera zazpi euro da.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.